Një aksident i rëndë ka tronditur ishullin grek Naxos ditën e sotme, ku një motoçikletë u përplas me një trung peme, duke shkaktuar një viktimë dhe një të plagosur rëndë.

Sipas mediave lokale, dy të rinj shqiptarë, 17 dhe 20 vjeç, po udhëtonin me motoçikletën kur drejtuesi i mjetit humbi kontrollin në rrethana ende të paqarta. Pasagjeri 20-vjeçar humbi jetën në vend, ndërsa drejtuesi 17-vjeçar u plagos rëndë dhe ndodhet në gjendje kritike për jetën.

Autoritetet greke po vijojnë hetimet për të përcaktuar shkaqet e aksidentit, duke mos pasur deri më tani asnjë provë që të tregojë nëse drejtuesi i motoçikletës ishte nën ndikimin e alkoolit.

Ngjarja ka tronditur komunitetin lokal dhe autoritetet e sigurisë po bëjnë apel për kujdes maksimal në trafikun e ishujve turistike, veçanërisht për të rinjtë.