Një ngjarje e rëndë ka tronditur qytetin e Orikumit, në Vlorë, këtë të diel. Sipas informacioneve paraprake, një burrë ka ushtruar dhunë ndaj bashkëshortes së tij, Sose Xhebroj, duke i shkaktuar vdekjen, dhe më pas ka kryer vetëvrasje.

Gruaja u dërgua fillimisht në spital në gjendje të rëndë shëndetësore, por nuk arriti t’i mbijetojë plagëve. Autori, i identifikuar si bashkëshorti i saj, u gjet pa shenja jete në vendin e ngjarjes, ndërsa dyshohet se ka dhënë fund jetës së tij pas veprës së kryer.

Policia ndodhet në vendngjarje dhe po vijon punën për të zbardhur rrethanat e tragjedisë, ndërsa autoritetet kanë nisur hetimet për të sqaruar motivet dhe detajet e ngjarjes.