Një ngjarje e rëndë ka tronditur komunitetin e fshatit Rrëmenj në Pogradec, ku një i ri, vetëm 20 vjeç, është gjetur i vetëvarur në kodrat përreth zonës. Trupi i pajetë u zbulua nga banorë të zonës, të cilët njoftuan menjëherë familjarët dhe autoritetet vendore.

I riu ishte i njohur në komunitet për pasionin ndaj fotografisë dhe shpesh ndante në rrjetet sociale imazhe nga natyra dhe jeta e përditshme në Pogradec. Miqtë e kujtojnë si një person të dashur, të qeshur dhe plot energji, ndërsa lajmi i ndarjes së tij nga jeta ka lënë pas një dhimbje të thellë.

Policia ka nisur hetimet për zbardhjen e plotë të rrethanave të këtij akti të rëndë, i cili mbetet ende i paqartë. Ndërkohë, komuniteti kërkon që kjo ngjarje të shërbejë si thirrje për më shumë vëmendje ndaj shëndetit mendor, veçanërisht te të rinjtë.

Guido Dervishllari është i riu që i dha fund jetës ditën e sotme në fshatin Rrëmenj të Pogradecit.

20-vjeçari që prej kohësh punonte si fotograf u gjet i vetëvarur rreth orës 14:40 në kodrat pranë fshatit Rrëmenj nga banorët e zonës. Këta të fundit njoftuan familjen dhe policinë.