Tiranë – Një ngjarje e rëndë tronditi dje zonën e “Qytet Studenti” në kryeqytet, ku një 30-vjeçar, ende i paidentifikuar, ka humbur jetën pas vetëhedhjes nga një lartësi. Burime nga spitali konfirmuan vdekjen e tij pak orë pas ngjarjes.

Policia po vijon punën për të identifikuar viktimën dhe për të zbardhur plotësisht rrethanat e ngjarjes. Në njoftimin zyrtar të uniformave blu thuhet se ngjarja dyshohet të jetë vetëvrasje.

“Më datë 07.06.2025, në “Qytet Studenti”, dyshohet se një shtetas ende i paidentifikuar, rreth 30 vjeç, është vetëhedhur nga lartësia dhe si pasojë ka ndërruar jetë në spital”, njoftoi policia.

Hetimet vijojnë për të kuptuar motivet dhe për të marrë në dorë çdo detaj lidhur me këtë ngjarje tragjike që ka tronditur komunitetin e zonë.