Një ngjarje e rëndë ka ndodhur pasditen e sotme rreth orës 17:30 në Fushë Domje, Vorë, ku një fëmijë 2-vjeçar ka humbur jetën si pasojë e një aksidenti rrugor.
Sipas burimeve, i mituri u përplas nga një automjet pranë banesës së tij dhe u dërgua me urgjencë në Spitalin e Traumës nga familjarët. Fatkeqësisht, pavarësisht përpjekjeve të mjekëve, ai nuk mundi t’u mbijetonte plagëve të rënda.
Drejtuesi i mjetit që shkaktoi aksidentin ende nuk është identifikuar, ndërsa grupi hetimor ka nisur menjëherë punën për të zbardhur rrethanat e plota të tragjedisë dhe për të gjetur autorin e aksidentit.
