Një ngjarje e rëndë ka tronditur opinionin publik pas rrëzimit fatal të një avioni të Air India, ku humbën jetën 260 persona. Detaje të reja të dala nga hetimet zbulojnë një skenar të pazakontë dhe shqetësues.

Sipas të dhënave të marra nga kutia e zezë, kapiteni i fluturimit, Sumeet Sabharwal, dyshohet se ka ndërprerë furnizimin me karburant vetëm sekonda pas ngritjes, duke çuar në ndalimin e motorëve dhe rrëzimin e menjëhershëm të avionit.

Përforcim të dyshimeve ka dhënë një frazë e fundit e kapitenit drejtuar rojës para nisjes:
“Kujdesu për babanë tim. Do të kthehem shpejt.”
Fjalë të cilat tashmë po interpretohen me shumë kujdes nga hetuesit, ndërsa nuk përjashtohet as pista e një veprimi të qëllimshëm.

Kapiteni Sabharwal ishte një pilot me eksperiencë të gjatë dhe pa precedentë problematikë, gjë që e bën çështjen edhe më komplekse. Autoritetet po hetojnë në disa drejtime: një defekt teknik, gabim njerëzor apo ndoshta një akt i qëllimshëm.

Hetimet vijojnë, ndërsa familjet e viktimave dhe publiku kërkojnë përgjigje të qarta për këtë katastrofë ajrore.