Hetimet për zjarrin më vdekjeprurës në rrokaqiej në Hong Kong po vazhdojnë në shtatë ndërtesat e kompleksit Wang Fuk Court në Tai Po. Numri i viktimave ka arritur në 151, ndërsa rreth 40 persona mbeten të zhdukur.

Kryetari Ekzekutiv i Hong Kongut, Eric Chan, deklaroi se disa rrjeta mbrojtëse të përdorura në skelat e ndërtesave nuk përmbushnin standardet e sigurisë dhe materialet më të lira dhe të pacertifikuara ishin vendosur qëllimisht në vende të vështira për t’u kontrolluar, duke e quajtur këtë “akt të turpshëm”.

Derisa hetimet vazhdojnë për vrasje pa dashje, 13 persona janë arrestuar, përfshirë drejtorë dhe inxhinierë konsulentë. Banorët janë të shqetësuar për mungesën e përgjegjësisë së zyrtarëve, ndërsa dy qytetarë, përfshirë një student, u arrestuan lidhur me një peticion online që kërkonte mbështetje për viktimat dhe llogaridhënie për fajtorët.

Zjarri në Wang Fuk Court shënon një nga tragjeditë më të rënda në historinë e rrokaqiejve në Hong Kong dhe ngrit pyetje të forta për sigurinë dhe korrupsionin në sektorin e ndërtimit.