Një festë e Krishtlindjeve në Korçë është kthyer në tragjedi pas vdekjes së një 18-vjeçari nga qyteti i Durrësit. Grupi i tij i shoqërisë, i cili kishte shkuar për të festuar në Korçë, lajmëroi policinë pasi shoku i tyre u gjet i pajetë në trotuarin e lagjes. Hetimet fillestare tregojnë se 18-vjeçari mund të jetë vethedhur nga kati i tetë i një pallati, ndërsa dyshimet për konsum të alkoolit dhe lëndëve narkotike nuk përjashtohen.

Ngjarja ka ndodhur pas një nate festive në një lokal në Korçë, dhe shokët u shprehën në polici se në momentin e ngjarjes kanë qenë në gjumë, pasi kishin pirë shumë pas festimeve në një lokal nate në Korçë. Nuk përjashtohen dyshimet që të rinjtë të kenë konsumuar edhe lëndë narkotike.

Trupi i të riut u gjet i pajetë në trotuar, ndërsa është transportuar në morgun e spitalit Korçë, për të kryer veprimet mjeko-ligjore.

Grupi hetimor, nën drejtimin e Prokurorisë po vijon punën për zbardhjen dhe dokumentimin e plotë ligjor të ngjarjes.