Një tragjedi ka ndodhur në Londër, ku një shqiptar i ri u vra me thikë mbrëmjen e së hënës në Greenford.

Ngjarja e rëndë u raportua fillimisht si një burrë i plagosur në një makinë.

Edhe pse u transportua me urgjencë në spital, 27-vjeçari shqiptar, i identifikuar si Bajram Luli, nuk mundi të mbijetojë.

Policia britanike ka njoftuar familjarët e tij në Peqin dhe hetimet për zbardhjen e ngjarjes janë duke vijuar.

Shumë shqiptarë kanë parë Britaninë e Madhe si “tokën e shpresës”, për shkak të situatës së vështirë ekonomike në Shqipëri.

Megjithatë, është e trishtueshme që vetëm në vitin e fundit janë raportuar më shumë se 5 raste të shqiptarëve të vrarë në Angli.