Ka shkuar në 23 numri i personave që humbën jetën pasi një mbikalim hekurudhor u shemb të hënën në mbrëmje në një rrugë të ngarkuar në Mexico City. Sipas autoriteteve në mesin e viktimave kishte edhe fëmijë, ndersa u raportua per 49 te plagosur.

Kërkimet e ekipeve të shpëtimit për të mbijetuarit e mundshëm u ndërprenë menjëherë pas aksidentit, thanë autoritetet, për shkak të rrezikut që më shumë pjesë nga mbikalimi i metrosë dhe vagonët e trenit mund të shembeshin.

Ne mediat u publikuan edhe pamjet kur struktura  bien mbi një numër makinash afër stacionit Olivos në juglindje të qytetit rreth orës 10.30 të mbrëmjes sipas kohës lokale, duke ngritur re pluhuri dhe rrënojash.

Pamjet e tjera treguan të paktën dy vagonë treni të varura nga mbikalimi i dëmtuar, ndërsa zjarrfikësit dhe ekipet mjekësore fillimisht përdorën shkallët për të hyrë në vagonë.

Sidoqoftë, kryebashkiakja Claudia Sheinbaum tha se operacioni i shpëtimit u pezullua për shkak të rreziqeve.