Të paktën 4 persona kanë humbur jetën dhe 16 të tjerë u plagosën pas shembjes së një ndërtese në një plazh në Palma De Mallorca.

Sipas raportimeve të mediave të huaja, ndërtesa Medusa Beach Club ishte një ndërtesë dykatëshe.

Kryeministri i Spanjës, Pedro Sánchez, deklaroi se situata po monitorohet nga afër dhe qeveria e tij do të ishte e gatshme të vendoste të gjitha mjetet dhe personelin që janë të nevojshëm. Nuk është bërë e ditur nëse të vdekurit apo të plagosurit janë punonjës të restorantit apo pushues, ndërsa kryebashkiaku i Palma de Mallorca ka shpallur 3 ditë zie.

Palma de Mallorca është një nga ishujt më të njohur të Spanjës, të cilin më shumë se 14 milionë turistë e vizituan vitin e kaluar, sipas shifrave zyrtare.