Numri i viktimave nga zjarri shkatërrimtar në hotelin e resortit të skive Kartalkaya në Turqinë veriore është rritur në 76. Lajmi është konfirmuar nga ministri i Brendshëm turk, Ali Gerlikaya, i cili bëri me dije se në lidhje me këtë tragjedi janë arrestuar nëntë persona, përfshirë pronarin e hotelit.
Në shenjë nderimi për viktimat, presidenti turk Recep Tayyip Erdoğan ka shpallur një ditë zie kombëtare. Hetimet për zbardhjen e shkaqeve të zjarrit po vijojnë, ndërsa autoritetet turke premtojnë ndëshkime të rënda për përgjegjësit.
