Detaje të reja kanë dalë në dritë mbi ngjarjen tragjike në fshatin Mjedë, Shkodër, ku një 3-vjeçar humbi jetën, ndërsa motra e tij 7-vjeçare ndodhet ende në gjendje kritike.

Shkaku i helmimit: Përdorimi i një substance toksike

Burime nga hetimet bëjnë me dije se dy fëmijët janë intoksikuar nga helmi i minjve. Prindërit kishin kryer spërkatjen e një magazine me këtë substancë toksike, ndërsa kishin me vete edhe fëmijët.

Mendohet se ata mund të kenë thithur ose kanë pasur kontakt të drejtpërdrejtë me helmin, çka shkaktoi simptoma të rënda që çuan në pasoja fatale për vogëlushin 3-vjeçar dhe rrezikojnë jetën e motrës së tij.

Hetimet vijojnë

Autoritetet kanë nisur verifikimet për të përcaktuar sasinë dhe llojin e saktë të substancës që ka shkaktuar helmimin. Ekspertët po analizojnë edhe mundësinë e mosrespektimit të masave të sigurisë gjatë përdorimit të këtij kimikati.

Ndërkohë, motra e të ndjerit po trajtohet në Pediatrinë e Tiranës, ku mjekët po bëjnë përpjekje maksimale për ta shpëtuar.