Para mbledhjes së Kryesisë së Partisë Socialiste, tre deputetë kanë vendosur të tërhiqen nga gara për zgjedhjet parlamentare të 11 majit. Burime nga PS bëjnë me dije se Nasip Naço në Berat, Klevis Xhoxhi në Elbasan dhe Laert Duraj në Gjirokastër nuk do të jenë pjesë e listave për këtë proces zgjedhor.

Tërheqja e tyre vjen pak orë para se Kryesia e PS të mblidhet për të finalizuar dhe zyrtarizuar listën e kandidatëve për të gjitha qarqet. Deri më tani, nuk ka një reagim zyrtar nga këta deputetë mbi arsyet e largimit të tyre nga gara.

Ky zhvillim ndodh në një kohë kur PS ka bërë ndryshime të rëndësishme në përbërjen e listave, duke kombinuar figura të njohura me emra të rinj për të përfaqësuar partinë në zgjedhjet e ardhshme.