Një ngjarje tragjike ka tronditur Pensilvaninë, ku tre oficerë policie humbën jetën dhe dy të tjerë mbetën të plagosur pas një përplasjeje me armë zjarri.

Sipas autoriteteve, policët po ekzekutonin një urdhër arresti në një banesë, kur i dyshuari nxori armën dhe hapi zjarr në drejtim të tyre. Përplasja rezultoi fatale për tre efektivët, ndërsa dy të tjerë u dërguan në spital nën kujdes mjekësor.

Autori i dyshuar, identiteti i të cilit ende nuk është bërë publik, raportohet se është neutralizuar nga policia gjatë shkëmbimit të zjarrit.

Hetimet po vijojnë për të zbardhur rrethanat e plota të ngjarjes, ndërsa komuniteti lokal është tronditur nga humbja e rëndë në radhët e forcave të rendit.