Mbrëmë, Windsor Castle u bë skena e një nga ngjarjeve më madhështore të vitit, banketit në St George’s Hall, ku të pranishëm ishin figura të shquara si Presidenti Donald Trump, Zonja e Parë Melania Trump, Mbreti Charles III, Princi William dhe Kate Middleton.
Vëmendjen kryesore e mori Princesha e Uellsit, e cila zgjodhi një fustan me dantellë Chantilly nga stilistja britanike Phillipa Lepley, i kombinuar me kurorën historike Lover’s Knot, një nga perlat më të njohura të Princeshës Diana.
Zonja e Parë Melania Trump gjithashtu tërhoqi vëmendje me një fustan të verdhë të thyer me një rrip rozë në mes, i shoqëruar me vathë smeraldi. Reagimet në rrjet ishin të ndryshme: disa e konsideruan të thjeshtë për një event të tillë, ndërsa të tjerë e vlerësuan elegancën dhe guximin stilistik të Melanias.
Disa komentues shkruanin:
“Vetëm Melania mund të vishte një fustan të verdhë dhe një rrip ngjyrë rozë. Do të dukesha si një banane e mbështjellë me fashë. Zonja e Parë më e bukur në histori.”
Dhe:
“Më pëlqen fustani i Melanias. Elegant, i hijshëm, shik…”
Banketi i djeshëm jo vetëm festoi bashkëpunimin midis figurave ndërkombëtare, por gjithashtu shërbeu si pasqyrë e stilit dhe elegancës në skenën mbretërore.
