Një aksident i rëndë trafiku ka ndodhur në Pavlan të Pejës, ku një tren pasagjerësh ka përplasur një veturë, duke lënë të lënduar tre persona. Lajmi është konfirmuar nga zëdhënësi i Policisë së Kosovës, Driton Rugova.

“Sot rreth orës 10:00, Policia është njoftuar për një aksident në mes trenit të udhëtarëve dhe një veture,” tha Rugova për mediat. “Si pasojë e këtij aksidenti, tre persona kanë pësuar lëndime trupore dhe janë dërguar në emergjencën e Spitalit Rajonal në Pejë për trajtim mjekësor.”

Detajet rreth gjendjes shëndetësore të të lënduarve nuk janë ende të qarta, ndërsa autoritetet po hetojnë shkaqet e aksidentit.