###

Një ngjarje e rëndë ka tronditur zonën e Ano Liosisë, ku të premten që lamë pas, më 21 maj 2024, është gjetur i djegur trupi i një të moshuari. Sipas mediave greke, autori i dyshuar i kësaj ngjarjeje të tmerrshme është djali i viktimës.

Trupi i të moshuarit u gjet në oborrin e shtëpisë së tij, të mbuluar me një batanije dhe vendosur mbi një dyshek. Raportohet se viktima kishte ndërruar jetë rreth 20 ditë më parë. Djali i tij, 59-vjeçar, ka rrëfyer se arsyeja pse dogji trupin e të atit ishte mungesa e parave për të organizuar një funeral të duhur.

Fqinjët, të shqetësuar nga era e fortë që vinte nga shtëpia, lajmëruan autoritetet dhe dëshmuan se kishin parë 59-vjeçarin teksa digjte diçka në oborr. Policia konfirmoi se i moshuari ishte gjetur i djegur plotësisht.

Djali i viktimës punonte si mësues dhe mësohet se vuante nga probleme psikologjike. Ngjarja ka shkaktuar tronditje të madhe në komunitet dhe ka ngritur pyetje të shumta mbi situatën e të birit dhe trajtimin e tij për problemet mendore. Autoritetet po hetojnë rrethanat e sakta të kësaj ngjarjeje dhe kanë arrestuar të dyshuarin për t’i dhënë drejtim çështjes.