Një ngjarje tragjike ka tronditur provincën e Napolit në Itali, ku një vajzë 9-muajshe ka humbur jetën pasi u kafshua nga pitbull-i i familjes. Babai i vajzës i tha policisë se e gjeti fëmijën në një pellg gjaku në shtrat, pas sulmit të tmerrshëm të qenit, ndërsa nëna e vajzës ishte në punë në momentin e ngjarjes.

Vogëlushja u dërgua menjëherë në urgjencën e klinikës Villa dei Fiori, por mjekët nuk arritën ta shpëtonin, pasi ajo kishte pësuar plagë të rënda në fytyrë dhe kokë. Policia ka nisur hetimet për zbardhjen e rrethanave të këtij sulmi tragjik dhe për të përcaktuar përgjegjësitë ligjore lidhur me këtë incident.