Pak orë pas kthimit në Shtëpinë e Bardhë, Donald Trump ka nënshkruar një seri urdhrash ekzekutivë që sinjalizojnë një kthesë të fortë në politikat amerikane.

Falje për të dënuarit e 6 janarit – Trump ka falur mbi 1.500 persona, përfshirë të dënuarit për dhunë ndaj policisë gjatë sulmit në Kapitol.

Goditje për emigracionin – Programet për refugjatët dhe hyrjen ligjore të migrantëve u pezulluan menjëherë, duke prekur edhe mijëra afganë të miratuar për zhvendosje në SHBA.

Emergjencë në kufirin SHBA-Meksikë – Trump shpalli emergjencë kombëtare, duke lejuar dërgimin e trupave dhe ndalimin e automatik të hyrjeve.

Ndalimi i shtetësisë për lindjet në SHBA – Një tjetër lëvizje që pritet të shkaktojë betejë ligjore.

Dalja nga Marrëveshja e Parisit – SHBA largohet sërish nga marrëveshja për klimën, duke minuar përpjekjet globale kundër ngrohjes globale.

Ndryshime të thella në administratë – Largimi i mbi 1.000 zyrtarëve të emëruar nga Biden dhe krijimi i një “Departamenti për Efikasitetin Qeveritar” nën mbikëqyrjen e Elon Musk.

Me këto vendime, Trump po e vulos kthimin e tij në pushtet me një qasje agresive, që ka shkaktuar reagime të forta si brenda ashtu edhe jashtë SHBA-së.