Një person i pajetë është gjetur mëngjesin e sotëm në aksin Lushnjë-Rrogozhinë.

Dyshimet e para janë që viktima mund të jetë aksidentuar nga ndonjë automjet, por policia ka nisur hetimet për të zbardhur vdekjen e këtij personi ende të paidentifikuar.

Policia e lajmëruar nga kalimtarët ndodhet në vendngjarje dhe po punon për identifikimin e viktimës dhe zbardhjen e ngjarjes. Ende nuk dihet nëse është përplasur nga ndonjë automjet apo është hedhur aty.

Blutë nuk kanë ende një informacion zyrtar mbi ngjarjen e ndodhur pranë Golemit të Lushnjës.