Emigrant shqiptar në Britani përfshihet në trafik droge, përballet me dëbim pas tre vitesh

Një emigrant shqiptar, Elvis Zoto, 22 vjeç, i cili hyri ilegalisht në Britaninë e Madhe me gomone dhe më pas u përfshi në trafikim droge, do të deportohet tre vite pas mbërritjes së tij, pas vendimit të Gjykatës së Lartë.

Zoto u dënua me 2 vjet e 9 muaj burg për trafik kokaine të pastër, ndërsa përpjekjet e tij për të vonuar procedurën e dëbimit duke pretenduar kërkesë azili janë rrëzuar. Ai kishte dokumentuar hapur udhëtimin e paligjshëm nga Franca në Dover në qershor 2022 dhe kishte postuar formularin e regjistrimit në Ministrinë e Brendshme britanike, duke e cilësuar udhëtimin si “të lehtë”.

Pas mbërritjes, Zoto kërkoi azil dhe u strehua në një hotel me katër yje, por u arratis dy ditë më pas. Në nëntor 2023, ai u arrestua nga Policia e Essex për trafik droge të klasit A dhe u dënua në prill 2024, duke përballuar automatikisht procedurat për dëbim.

Vendimi i fundit i Gjykatës së Lartë në korrik 2025 nxorri në pah dobësitë e sistemit të azilit, ndërsa aktivistët paralajmërojnë për nevojën e reformave urgjente për të parandaluar abuzimet dhe përfshirjen e emigrantëve në rrjete kriminale.