Një 26-vjeçar shqiptar është gjetur i vdekur në një apartament Airbnb në rrugën Orfanidou 8, pranë rrugës Dodekanisou në Selanik, mëngjesin e sotëm.

Sipas burimeve të para hetimore, i riu dyshohet se është vetëqëlluar me armë zjarri, ndërsa në trupin e tij janë konstatuar plagë nga arma.

Në vendngjarje kanë mbërritur forcat e policisë DIAS, si dhe mjeku ligjor, i cili po kryen ekzaminimin paraprak për të përcaktuar nëse bëhet fjalë për vetëvrasje apo një vrasje aksidentale.

Trupi i të ndjerit është dërguar në mjekësinë ligjore të Selanikut për autopsi, ndërsa policia greke ka nisur hetimet për të zbardhur plotësisht rrethanat e ngjarjes.