Autorja e emisionit “Për’puthen”, Neda Balluku, ka folur publikisht për herë të parë pas ndarjes nga bashkëshorti i saj, Ogren Balluku, duke pranuar se vendimi për divorc nuk ka qenë aspak i lehtë dhe është marrë pas shumë kohësh reflektimi.

E ftuar në një emision televiziv, Balluku tregoi se ndarja nuk ishte rezultat i një reagimi të çastit, por i një procesi të gjatë emocional dhe familjar.

“Nuk e di kush në këtë botë merr vendime impulsive ose emocionale kur bëhet fjalë për fëmijë dhe familje. Duhen vite për të menduar dhe për të marrë këto vendime,” — tha ajo.

Neda shtoi se ftesën për të qenë pjesë e programit e kishte marrë që në tetor, por ishte hezituese për shkak të situatës personale:

“Neda sonte është këtu, më vjen keq që kjo është një ftesë që mua më është bërë që në tetor. Më vjen keq që erdha për këtë.”

Duke iu përgjigjur pyetjes së Ori Nebiajt nëse divorci ishte një rastësi, Neda u shpreh me maturi:

“Unë e mirëkuptoj edhe pozitën tuaj edhe këtë moment, edhe kuriozitetin që mund të kenë njerëzit. E di se si historia ime e dashurisë ka qenë përpara njerëzve për vite.”

Me fjalët e saj, autorja e njohur la të kuptohet se vendimi për t’i dhënë fund martesës me Ogren Ballukun ishte një hap i menduar gjatë, i marrë me përgjegjësi ndaj vetes dhe familjes.