Drejtori i AKU në Shkodër, Gjergj Sokoli, i cili ishte shpallur në kërkim është paraqitur në ambientet e policisë dhe pasi është marrë në pyetje ai u la i lirë.

Më herët policia tha se dyshohet se, duke shpërdoruar detyrën, Sokoli nuk ka evidentuar aktivitetet e paligjshme të 55-vjeçarit, i cili shiste vezë të pakontrolluara në emër të markave të tjera.

“Shtetasi Gj. S., me detyrë Drejtor i AKU, Shkodër, i shpallur në kërkim policor, është vetëparaqitur në ambientet e DVP Shkodër. Pas deklarimeve të dhëna, ky shtetas është lënë i lirë”, thotë policia.

Më herët në kuadër të operacionit të koduar “Illegality” u arrestua 55-vjecari V.GJ  pasi në pularinë në pronësi të tij të paregjistruar në Tatime prodhoheshin vezë të cilat shiteshin në treg në emër të markave të tjera.