Ka ndërruar jetë një nga vajzat që u dogj nga shpërthimi i bombulës në Velipojë bashkë me nënën dhe dy motrat e saj. Ngjarja e rëndë ndodhi mëngjesin e 4 korrikut.

Edhe pse është dërguar për kurim në Itali, 19-vjeçarja Daniela Gjoka nuk ia ka dalë dot të mbijetojë.

Nëna e saj Alketa Gjoka dhe dy fëmijët e tjerë vijojnë të jenë në gjendje të rëndë shëndetësore. E reja ndërroi jetë në një spital në Itali teksa u dërgua atje për mjekim të specializuar bashkë me nënën, motrën 15 vjeçe dhe vëllain 12 vjeç.

Hoteli 3-katësh në pronësi të familjes u përfshi nga flakët pas shpërthimit të zjarrit, si shkak e rrjedhjes së gazit të një bombule gazi.

Në muajin gusht të këtij viti 19-vjeçarja kishte planifikuar dasmën, por ëndrra e saj u ndërpre në mes.