Udhëheqësi i Hamasit, Marwan Issa, ka vdekur në një sulm ajror izraelit, ka bërë të ditur zyrtari i Shtëpisë së Bardhë, Jake Sullivan. Issa, si zëvendës komandant ushtarak, ishte udhëheqësi më i lartë i Hamasit që ka vdekur që nga fillimi i luftës më 7 tetor.

Hamasi nuk ka bërë komente zyrtare rreth vdekjes së tij.

Mediat izraelite raportuan se Issa u vra në një sulm në Gaza javën e kaluar.

Sullivan gjithashtu shtoi se liderë të tjerë të Hamasit besohet të jenë të fshehur dhe se SHBA do të ndihmojë Izraelin në kërkimin e vazhdueshëm për udhëheqësit kryesorë të Hamasit, duke theksuar se “drejtësia do të vijë edhe për ta”.