Ministri i Drejtësisë Ulsi Manja, deklaroi gjatë seancës plenare se ish-kryeministri Berisha ka dezinformuar opinion publik në lidhje me komentet e bëra mbi udhëzimin e Këshillit të Ministrave për rekurset në Gjykatën e Lartë.
“Jam i bindur se sa herë flet Saliu për të varfrit, për ish-të përndjekurit dhe ish-pronarët nuk e merr askush saktësisht se ai ndryshe flet dhe ndryshe bën. Ekzaktësisht Siç bëri dhe me udhëzimin e Këshillit të Ministrave për heqjen dorë nga Rekurset në Gjykatën e Lartë.
I thirri dhe i mbajti një paradite të gjithë gazetarët duke dezinformuar opinion publik.
Për të gjithë qytetarët, çfarë është ky udhëzim i Këshillit të Ministrave? Orienton të gjithë administratën shtetërore nën përgjegjësinë e Këshillit të Ministrave të heqin dorë nga rekurset në gjykatën e Lartë kur vlera e padisë nuk e kalon dyzet-fishin e pagës minimale. Dyzet-fishi i pagës minimale shkon te 12 milionë të vjetra. Do të hiqet dorë nga ato rekurse ku shteti i ka humbur dy betejat e para në Shkallë të Parë dhe në Apel dhe që nuk e kalojnë këtë vlerë.
Mos dezinformo opinion publik me një udhëzim të Këshillit të Ministrave. Ti e ke zakon kur të djeg diçka djeg jorganin për një plesht. Se Shqipërinë ke dhënë prova e ke djeg sa herë të është dashtë, por ka ikur ajo kohë.”, tha Manja.
