“Uji i rikuperuar, përdorimi i tij për gatim të shmanget për 48 orët e para”

Ujësjellës Kanalizime Rajoni Vlorë njofton qytetarët se avaria e rëndë në rrjetin e furnizimit me ujë është riparuar dhe sistemi është vendosur në funksion që nga orët e para të mëngjesit.

Zona 24-orëshe ka nisur furnizimin, ndërsa pjesa tjetër e qytetit do të furnizohet gjatë pasdites. Në bashkëpunim me Njësinë Vendore të Kujdesit Shëndetësor, do të ndiqet protokolli zyrtar për kontrollin e cilësisë së ujit dhe matjen e parametrave.

Autoritetet bëjnë thirrje që uji i rikuperuar të përdoret vetëm për përdorim të jashtëm gjatë 48 orëve të para dhe jo për konsum ose gatim.

Ujësjellësi falënderon qytetarët për mirëkuptimin dhe bashkëpunimin gjatë këtyre ditëve të vështira.