Ukraina ka vrarë 200 ushtarë rusë të forcave ajrore në një sulm me raketa në bazën e tyre në rajonin e pushtuar të Luhansk, ka pohuar një udhëheqës lokal.

Guvernatori i Luhanskut, Serhiy Gaidai, pretendoi se ushtarët rusë u vranë në një sulm ukrainas në selinë e tyre në qytetin Kadiivka, në Ukrainën lindore, mbrëmë.

Imazhet e shpërndara nga Gaidai duket se tregojnë mbetjet e dëmtuara të një hoteli që ishte përdorur si bazë nga ushtarët rusë në Kadiivka.

Gaidai pohoi në Twitter: “Forcat e Armatosura të Ukrainës goditën bazat në Kadiiva, rreth 200 ushtare rusë u vranë”.

Ai shtoi në Facebook: “Në Kadiivka të pushtuar përkohësisht, në rajonin e Luhansk, ushtarët ukrainas shkatërruan bazën e rusëve. Eliminohen 200 trupa ushtarake ajrore të Federatës Ruse.”