Ministri i Drejtësisë Ulsi Manja ka folur sot nga salla e Kuvendit në lidhje me marrëveshjen e ekstradimit mes Shqipërisë dhe Spanjës.

Manja u shpreh se kjo marrëveshje që pritet të votohet është një sinjal për botën e krimit se cdo shqiptar që kryen një krim në Spanjë s’mund të gjejë strehë në Shqipëri dhe anasjelltas. Ndërsa shtoi se për çdo skeptik kjo marrëveshje nuk ka kosto shtesë.

Manja: Në shtator të vitit të shkuar i hapëm rrugë marrëveshjes me Mbretërinë e Spanjës për ekstradimet. Sigurisht që Shqipëria ka pasur bashkëpunim me Spanjën në cështjet penale. Projektligji që sjellim eleminon një pengesë që ekzistonte mes dy vendeve dhe ka të bëjë me rezervën ligjore, për moslejimin e shtetasve shqiptarë drejt Spanjës dhe anasjelltas.

Qëllimi i marrëveshjes është forcimi i marrëdhëneve gjyqësore mes dy vendeve. Por pse jo është një instrument shtesë në fushën penale mes dy vendeve dhe një sinjal në botën e krimit. Çdo shqiptar që kryen një krim në Spanjë s’mund të gjejë strehë në Shqipëri dhe anasjelltas.

Në Spanjë jetojmë me mijëra shqiptar. Në 5 vitet e fundit janë përpunuar 92 letër-porosi hyrëse dhe dalëse me Spanjën dhe 25 kërkesa për ekstradim nga Spanja drejt Shqipërisë si dhe 3 kërkesa për ekstradim nga autoritetet shqiptare drejtuar Spanjës

Për ndonjë skeptik marrëveshja nuk ka kosto shtesë. Secila palë të mbulojë shpenzimet për ekstradimet e kërkuara. Nisur nga rëndësia ë marrëveshjes ju ftoj ta votoni këtë projekt lig