Departamenti i Drejtësisë njoftoi se një burrë, Jason Patrick Alday, 39 vjeç, është akuzuar për kërcënime me jetë ndaj Presidentit të SHBA-së, Joe Biden. Alday, i cili fillimisht kërcënoi presidentin gjatë një kontrolli në një institucion të shëndetit mendor, kishte postuar në rrjete sociale se do të vriste Biden disa ditë para atentatit të ish-Presidentit Donald Trump.

Hetuesit raportuan se Alday kishte shkruar në X (ish-Twitter), “Unë do të vras Joe Biden sot!“, dhe kërcënime të tjera të ngjashme. Agjentët federalë zbuluan kërcënime të mëtejshme kundër presidentit dhe një agjenti të Shërbimit Sekret që e kishte intervistuar Alday në shtëpinë e tij. Këto përfshinin mesazhe me përmbajtje raciste dhe sharje kundër njerëzve me ngjyrë.

Alday është akuzuar për tre krime, duke përfshirë kërcënimin ndaj Presidentit të Shteteve të Bashkuara. Ai u paraqit në gjykatë të mërkurën dhe u urdhërua të ndalohej në pritje të gjyqit.