Një veprim i vogël në rrjetet sociale ka mjaftuar për të ngritur pikëpyetje të mëdha mbi marrëdhënien e Elhaida Danit me partnerin e saj, balerinin Ledian Agalliaj. Këngëtarja nuk e ndjek më Ledianin në Instagram, një detaj që nuk ka kaluar pa u vënë re nga ndjekësit dhe mediat rozë.

Në epokën digjitale, një klikim shpesh interpretohet si mesazh. Elhaida e ka hequr Ledianin nga lista e personave që ndjek, ndërkohë që balerini vazhdon ta ndjekë këngëtaren. Kjo “asimetrí” ka shtuar edhe më shumë spekulimet, veçanërisht pasi Lediani ka zgjedhur të vendosë në profil një foto të tij nga shumë vite më parë, një veprim që nga disa ndjekës është lexuar si simbolik.

Deri më tani, nuk ka asnjë reagim zyrtar nga çifti, duke lënë hapësirë për interpretime të ndryshme: një krizë në çift, një vendim impulsiv apo thjesht një gabim njerëzor që në botën e rrjeteve sociale merr përmasa të mëdha.

Elhaida Dani dhe Ledian Agalliaj janë në një lidhje prej rreth tre vitesh, një romancë që nisi në skenën e “Dancing With The Stars”, aty ku bashkëpunimi profesional u shndërrua në histori dashurie. Që në fillim, lidhja e tyre ka qenë ndër më të komentuarat, e shoqëruar edhe me polemika për shkak të përfundimit të marrëdhënies së mëparshme të balerinit.

Në mungesë të një sqarimi nga vetë protagonistët, mbetet për t’u parë nëse ky “unfollow” është thjesht një detaj pa domethënie apo sinjali i parë i një krize mes çiftit.