Kryetari i Partisë Demokratike, Sali Berisha ka dalë sot në një konferencë për mediat, ku ka mbështetur protestën e pedagogëve të universiteteve publike në vend.

Berisha komentoi  nisjen e vitit të ri akademik me bojkot të mësimit dhe protesta, pasi kërkesat e pedagogëve kanë rënë në vesh të shurdhër nga qeveria.

Sipas tij, vendimi i bojkotit të mesimit synon të parandalojë shuarjen e universiteteve tona. Berisha theksoi se paga e pedagogëve shqiptarë nuk krahasohet me ato të rajonit, pasi janë më të ulëta.

“Sot universitetet e vendit ishin në grevë dhe unë dua të përshëndes të gjithë ata pedagogë, punonjës e studentë që u përgjigjën thirrjes së sindikatave të tyre për të nisur një grevë të fuqishme e cila ka objektiv kryesor realizimin e kërkesave të ligjshme të Sindikatës së Universiteteve.

Pas qendrimit cinik, arrogant, të papërgjegjshëm të qeverisë, Sindikata vendosi të thërrasë për bojkot të mësimeve.