Marco Raduano, një bos i njohur i mafies në Itali, i cili ishte arratisur nga një burg i sigurisë së lartë duke përdorur çarçafë vitin e kaluar, është rikapur në Francë sipas autoriteteve. Ai është kreu i klanit Gargano, një grup i njohur i mafies në Pulia, jug të Italisë. Raduano është arrestuar në ishullin francez të Korsikës, ndërsa bashkëpunëtori i tij është kapur pranë Granadës në Spanjë.
Raduano, i njohur si figura kryesore në grupin e quajtur “mafia e pestë”, ka arritur të arratisej nga burgu në Sardenjë në vitin 2023 duke përdorur një çarçaf. Bashkëpunëtori i tij, Gianluigi Troiano, gjithashtu është arrestuar në Spanjë. Klanit Gargano i janë vënë në ngarkim vepra të ndryshme kriminale, përfshirë trafik droge dhe vrasje.
Mafia në provincën Foggia, e njohur si “mafia e pestë”, është një grup i cili ka vepruar relativisht nën radarin e autoriteteve, duke u specializuar në krime të dhunshme dhe agresive. Ata janë përfshirë në trafikun e drogës, vrasje, dhe aktivitete të tjera kriminale. Grupi ka një histori të gjatë të dhunës dhe konsiderohet i rrezikshëm nga autoritetet italiane.
Europol tha se ai ishte figura kryesore në grup dhe një vrasës i pamëshirshëm, përgjegjës për kryerjen e vrasjeve, trafikut të drogës dhe zhvatjes. Krahas Cosa Nostra-s në Siçili, ‘Ndrangheta’ në Kalabri, Camorra në Napoli dhe Sacra Corona Unita, hetuesit kanë identifikuar në vitet e fundit organizatën kriminale me bazë në Pulia, e cila kishte vepruar kryesisht nën radar, si një mafia e pestë.
Sipas prokurorëve, bëhet fjalë për një grup të karakterizuar nga një shkallë e lartë agresioni dhe dhune, “që ushqen derrat me kufomat për të mos lënë gjurmë. Një mafie e pa konceptuar në veprimet e saj dhe për këtë arsye e rrezikshme”, thanë autoritetet.
Mafia në provincën Foggia u shfaq në fund të viteve 1970, kur kreu i mafies napolitane dhe themeluesi i Kamorrës së Organizuar të Re, Raffaele Cutolo, u takua me një delegacion kriminelësh vendas në Pulia me qëllim që t’i “punësonte” ata dhe të zgjeronte ndikimin e tij në tregtinë e kontrabandës së cigareve në Ballkan. Megjithatë, plani i Cutolo-s dështoi pas një lufte të brendshme nga e cila një klan doli fitues dhe gradualisht filloi të depërtonte në zona të tjera të Pulias. Mafia e Foggia besohet se ka vrarë mbi 360 njerëz vetëm në zonën e Garganos, 80% e të cilëve mbeten të pa zbardhura.
