Policia e Kroacisë ka arrestuar një ushtar kroat pasi është zbuluar se po bënte transportin e një qytetari nga Kosova në mënyrë ilegale. Ministria e Mbrojtjes kroate ka konfirmuar se ky ushtar, 30-vjeçar, është ndaluar në një pushimore në autostradën A1 në Dusina.

Sipas burimeve zyrtare, ushtari kroat nuk ishte duke e kontrabanduar personin nga Kosova, por thjesht e ka transportuar atë në një pikë të caktuar. Megjithatë, ai akuzohet sipas nenit 53 të Ligjit për të Huaj të Kroacisë, që ndalon asistimin e qytetarëve të vendeve të treta për kalim ilegal, transit, apo qëndrim në vend. Ministria e Mbrojtjes ka njoftuar se do të ndërmarrë procedura disiplinore kundër ushtarit për veprimet e tij, duke përfshirë këtë rast në kuadër të Forcave të Armatosura.