Një vajzë 8-vjeçare u dërgua në spital pasi u sulmua nga një pit bull në Hollywood, Florida, të premten. Sipas policisë, incidenti ndodhi rreth orës 14:17 të pasdites, në bllokun 1800 të rrugës Funston.

E mitura, e cila është autike, po kthehej në apartament me nënën e saj, Keyrelly Jean Castro, pasi e kishte marrë nga shkolla. Teksa vajza po vraponte drejt derës së shtëpisë, qeni i një fqinji arriti të çlirohej nga zinxhiri dhe i sulmoi, duke e kafshuar në fytyrë.

Fqinji u përpoq të ndalte qenin dhe mbeti edhe vetë i lënduar gjatë përpjekjes. Dëshmitarët nxituan t’i jepnin ndihmën e parë vajzës, duke i mbështjellë kokën me një peshqir.

Ekipi i Hollywood Fire Rescue raportoi se vajza u trajtua në vendngjarje për plagët në fytyrë dhe më pas u dërgua në Memorial Regional Hospital, ku ndodhet jashtë rrezikut për jetën.

Autoritetet po hetojnë rrethanat e incidentit dhe statusin e qenit.