Tirana është shndërruar ditët e fundit në destinacionin e vizitave të mjaft personazheve të njohur botërisht.

Një natë më parë kryeqyteti mikpriti Tiffany Trump, vajzën e vogël të ish-Presidentit amerikan, Donald Trump.

Tiffany u pa të darkonte në “Padam”, një prej restoranteve më të njohur të Tiranës, nën shoqërinë e bashkëshortit të saj dhe biznesmenit Shkëelqim Devolli, pronar i televizionit Klan Kosova.

Këto momente, Tiffany dhe bashkëshorti i saj kanë zgjedhur t’i memorizojnë edhe në disa foto e video së bashku me shefin e njohur të kuzhinës shqiptare, Fundim Gjepalin, gatimet e të cilit ishin pjesë e darkës në “Padam”.

Javën që lamë pas, një tjetër personazh i rëndësishëm e vizitoi Shqipërinë. Jack Ma, themeluesi i grupit Alibaba, një ndër biznesmenët më të mëdhenj të botës, ishte në Tiranë.

Edhe ai zgjodhi restorantin “Padam” për të darkuar me disa bashkëpunëtorë të tij dhe një pjesë të stafit të ambasadës kineze. Vizita e tij u komentua si mjaft e rëndësishme, për shkak të disa projekteve që grupi Alibaba ka për ta shtrirë biznesin e tij në rajonin e Ballkanit.