Në vendin tonë ka disa kohë që nisur vaksinimi me dozën e tretë, sipas rekomandimit të mjekut të familjes.
Ndërkohë Ministria e Shëndetësisë dhe Mbrojtjes Sociale, Ogerta Manastirliu, bëri me dije sot se edhe gjithë personat që janë mbi 18 vjeç mund të marrin dozën e tretë të vaksinës anti-Covid.
Në një postim në rrjetet sociale, bëhet me dije se doza e tretë mund të merret 6 muaj pasi është bërë doza e dytë.
Ministrja e Shëndetësisë Ogerta Manastirliu ka apeluar se sot në Shqipëri, çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar.
Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku.
Ndërkohë kryeministri Edi Rama publikoi sot një video dhe një apel për të gjithë qytetarët që të vaksinohen në kushtet kur një mutacion i ri i koronavirusit, quajtur Omicron ka frikësuar botën.
“MIRËMËNGJES 😊 dhe duke ju kujtuar të vijoni vaksinimin me dozën e tretë përforcuese, për të qenë më të mbrojtur gjatë dimrit e për të mos i dhënë virusit një mundësi të dytë ndërkohë që varianti i ri Omicron po shqetëson botën, ju uroj një ditë të mbarë🙏
Shëndeti mbi të gjitha🤍”, shkruan Rama.
