Kërkimet për 39-vjeçarin Vasilios Kalogirou, i cili ka humbur pa lënë gjurmë që më 30 dhjetor, vazhdojnë edhe sot. Kalogirou u zhduk pasditen e së hënës, 30 dhjetor, në ora 2:24 në Larisa, ku ishte duke vizituar shtëpinë e prindërve të tij për pushime. Që prej asaj kohe, ai nuk ka dhënë asnjë shenjë jete.
Hetimet e drejtuara nga Policia, në bashkëpunim me zjarrfikësit dhe efektivët e EMAK, janë përqendruar kryesisht në zonën e lumit Pinios, por deri tani kërkimet kanë rezultuar të pafrytshme. Fokusi i hetimeve ka qenë tek zona e Alcazar dhe Pinios.
Vasilios Kalogirou është i biri i Sofisë Apostolakis, prokurore e Apelit që nga viti 2023, dhe i nipi i George Apostolakis, ish-nënkryetar i Gjykatës së Lartë dhe deputet i partisë “Niki”. Zhdukja e tij ka ngritur alarmin në Larisa, ndërsa familjarët dhe autoritetet shpresojnë për gjetjen e tij të shpejtë.
