Ditën e djeshme një ngjarje e rëndë trondit qytetin e Fierit, ku u raportua se një 3 vjeçar kishte ndërruar jetë si pasojë e mbytjes gjatë kohës që kishte qenë në kopësht. Nga rezultatet e ekspertizës të publikuara, rezultoi që 3 vjeçari kishte mbërritur i vdekur në spital dhe kishte një shenjë në grykë e cila ishte shkaktuar nga kapuçi i xhupit të tij.

Sot policia ka arrestuar edukatoren e kopshtit, shtetasen Redina Binjaku 27 vjeçare, me akuzën se ishte treguar e pakujdesshme ndërkohë që fëmija i mitur ishte nën përgjegjësinë e saj.

Njoftimi i Plotë:

Fier

Specialistët për Hetimin e Krimeve në Komisariatin e Policisë Fier nën drejtimin e Prokurorisë së Rrethit Gjyqësor Fier, arrestuan shtetasen R. B., 27 vjeçe, banuese në Fier, pasi në kopshtin privat ku punon si edukatore, ka humbur jetën aksidentalisht fëmija i mitur 3 vjeç, i cili duhej të ishte nën mbikqyrjen e kësaj shtetaseje.

Materialet i kaluan Prokurorisë, për veprime të mëtejshme procedurale.