Kryetari i Bashkisë së Tiranës, Erion Veliaj, ka reaguar ashpër pas akuzave të liderit të opozitës, Sali Berisha, i cili kishte deklaruar se Veliaj kishte arratisur nga Shqipëria. Veliaj e quajti Berishën gënjeshtar dhe ia ktheu me një mesazh të ashpër.

“Po shkoj në Amerikë për takime që i kam lënë prej kohësh, sepse jam kryetar i Bashkisë së Tiranës dhe nuk jam Non Grata,” tha Veliaj. Ai shtoi se, kundër akuzave të Berishës, ai nuk ka ndërmend të largohet nga Shqipëria, duke kujtuar periudhën kur ka ardhur nga Amerika për t’i dhënë një dorë vendit të tij.

Veliaj e quajti Berishën një “fundërrinë e historisë” dhe e kritikoi ashpër për mënyrën e shprehjes dhe për përdorimin e gënjeshtrave për të sulmuar kundërshtarët e tij.

Nuk iki unë nga Shqipëria, o kërmë, se kam ardhur nga Amerika kur isha 20 vjet më i ri, që të jepja një dorë për ta nxjerrë vendin tim nga llumi ku e zhyte ti me shokë! Dhe nuk më përkulin mua as letrat anonime, si në kohën e partisë, që të bëri ty persekutorin që je sot e gjithë ditën, as kushdo tjetër që shuan epshet e veta nëpër ekranet dhe rrugët e Tiranës, duke u marrë me familjen time, as fantazitë e sëmura të veshura me kostumet e karnavaleve të kësaj historisë sime në gjykatën e ekraneve dhe rrjeteve sociale.
Do të kthehem për dy ditë, dhe me durimin e paepur në pritje që të më vijë radha mua, se unë nuk jam burrë legen si ti, që kur SPAK-u merret me ty e me hajdutët e farës tënde është SKAPi i partisë, kurse kur merret me mua e me familjen time është SPAK-u i drejtësisë! Unë e di radhën e punëve dhe tani e ka radhën prokurori special të bëjë çfarë të dojë, pastaj vjen radha ime për të thënë çfarë duhet. Ashtu siç e di që unë nuk jam mbështetës i drejtësisë së re që nuk bëj komente rrugëve kur ajo merret me të tjerët dhe pastaj rrugaç si puna jote, që të marr rrugët me akuza e sharje kur merret me mua. Aty rri se edhe ti s’ke nga lëviz, se je pa pashaportë dhe nuk del dot nga Shqipëria, se do të të dal si lugat në shtëpi natën e Vitit të Ri, kur edhe Syri i djalit tënd do jetë te Sheshi Skënderbej, duke transmetuar fishekzjarret e 2025-ës, kur do hash shqelmin më të fortë nga shqiptarët, sa të vijë maji!
Pis burrë!.