Në seancën e Kuvendit, ka pasur një përplasje të ashpër mes kreut të Grupit të PD-së, Gazment Bardhi, dhe ministrit të Brendshëm, Ervin Hoxha. Gjatë debatit, ministri i Brendshëm e quajti Gazment Bardhin “një gënjeshtar përsëritës”, ndërsa Bardhi iu përgjigj me akuza të rënda për korrupsion, duke përfshirë vëllanë e ministrit në skandale të mundshme financiare.

Bardhi iu drejtua ministrit të Brendshëm, duke i thënë se ai dhe Belinda Balluku, ministrja e Infrastrukturës, do të “marrin në qafë veten”. Ai e akuzoi vëllain e ministrit Hoxha për përfshirje në vjedhje të energjisë dhe parave të qytetarëve në OSHEE (Operatorin e Shpërndarjes së Energjisë Elektrike), duke e quajtur atë një “hajdut”.

Pjesë nga replika:p

Ervin Hoxha: “Më dëgjo një sekondë, i nderuar deputet. Në pikëpamjen e analizës psikokriminale që unë kam për shkak të detyrës, tek njerëzit recidivist, përsëritës gënjeshtar.”

Gazment Bardhi: “Së pari, turmë je ti dhe çeta e hajdutëve që të rrethon ty, duke përfshirë dhe tët vëlla që do të marrë në qafë veten dhe Belinda Ballukun, bashkë me të. Do ta mësosh shumë shpejt pse po ta them këtë. Është një hajdut atje në OSHEE, që vjedh paratë e qytetarëve dhe energjisë. Ju jeni tufë, jo deputetët e opozitës.”

Kjo përplasje ka nxitur një shkëmbim të ashpër akuzash dhe ka shtuar tensionet mes mazhorancës dhe opozitës në Kuvend, duke përfshirë dhe akuza për korrupsion në nivele të larta të qeverisë.