Një bisedë mjaft emocionale është zhvilluar ditën e sotme në shtëpinë e “Big Brother VIP 5” mes Stenaldos dhe Luiz Ejllit, fituesit të edicionit të dytë të reality show-t.

Gjatë bisedës, Luizi i rrëfeu Stenaldos se tashmë në jetën e tij ka dy shokë të vegjël, duke iu referuar vajzës së tij, Lunës. Teksa fliste për të bijën, Stenaldo u shpreh me ndjeshmëri se shpreson që një ditë ta takojë edhe ai.

Luizi, me stilin e tij karakteristik, u përgjigj se në ditën që do të vijë ta marrë, nuk do të jetë kurrë pa Lunën, duke shtuar se pikërisht ajo do të jetë “qershia mbi tortë”. Sipas këngëtarit, Luna do të jetë ajo që do të japë verdiktin final për Stenaldon, nëse është vërtet ai person që Luizi ka njohur brenda shtëpisë.

“Do i them ky është Stenaldo, do ta ul në prehër dhe do shoh reagimet e saj. Ajo do ta japë verdiktin final”, u shpreh Luizi.

Fjalët e tij prekën thellë Stenaldon, i cili nuk i mbajti dot lotët. Për ta lehtësuar momentin, Luizi ndërhyri me shaka, duke i thënë se “nuk qajnë burrat”, duke sjellë edhe buzëqeshje mes emocioneve.

Ky moment u vlerësua nga banorët dhe publiku si një nga bisedat më të ndjera dhe njerëzore të këtij edicioni të “Big Brother VIP 5”.