Të hënën, në orën dhjetë, në Kolegjin e Posaçëm të Apelimit, fillon vettingu në shkallën e dytë ndaj kreut të KLP, Alfred Balla, i cili është ankimuar nga Komisioneri Publik. Çështja e Alfred Ballës nuk lidhet me detyrën e rëndësishme që ai mban në krye të qeverisë së prokurorisë, një mandat i cili ka përfunduar prej 19 dhjetorit, njëkohësisht me një funksionar tjetër, kreun e KLGJ, Naureda Llagami.

Megjithatë, duke u nisur nga precedentët e vendimeve të shkallës së parë të vettingut, ku ai u përfshi në rivlerësim për shkak të detyrës së tij si ndihmës ligjor në gjykatën e lartë para 2017, Komisioni i Pavarur i Kualifikimit në qershor 2023 nuk mori një vendim përfundimtar për Alfred Ballën. Kjo do të thotë që nuk u shkarkua, por as nuk u konfirmua në detyrë për shkak se ai nuk kishte statusin e magjistratit.

Çështja e Ballës përshkonte një ndërprerje të marrëdhënies së punës dhe më tej një proces në gjykatë, çka sipas KPK do të sillte humbje të statusit, jo vetëm nga vettingu dhe dorëheqja e tij, por edhe nga ndërprerja e marrëdhënies së punës. Megjithatë, Komisioneri Publik kundërshtoi vendimin e shkallës së parë të vettingut, duke kërkuar një vendim më të qartë.

Në të njëjtën kohë, Alfred Balla vazhdon të drejtojë KLP si përfaqësues i shoqërisë civile, por së bashku me dy anëtarë të tjerë, Tartar Bazaj dhe Nurihan Seiti, ata kanë përfunduar mandatin dhe duhet të zëvendësohen. Situata është e ngjashme edhe në KLGJ, ku Naureda Llagami, Fatmira Luli dhe Alban Toro duhet të zëvendësohen që nga katër muajt e shkuar.