Aksident masiv raportohet në Hungari. Mediat e huaja bëjnë me dije se në autotradën M1 pranë zonës së quajtur Herceghalom janë përplasur 5 kamionë dhe 37 makina. Ngjarja ka ndodhur pasditen e së shtunën në seksionin 26 km në M1 në korsitë që të çojnë jashtë kryeqytetit.
Plot 19 automjete kanë marrë flakë dhe 36 persona kanë mbetur të plagosur, mes të cilëve 19 ndodhen në gjendje të rëndë. Poashtu 10 të mitur kanë mbetur të plagosur nga aksidenti masiv. Zjarrfikësit nga disa lokalitete iu bashkuan forcave të Budapestit dhe personelit të menaxhimit të fatkeqësive në vendngjarje, së bashku me katër helikopterë të shpëtimit. Sipas operatorit të autostradës, shkak i aksidentit ka qenë një goditje lokale pluhuri e cila ka mbuluar zonën dhe qarkullimi i automjeteve në këtë zonë ka qenë i vështirë, pothuajse i pamundur.
