Një sherr ka ndodhur në rrugën “Teodor Keko” në lagjen Astir, ku një shofer që kishte hyrë kundravajtje, ka sulmuar dhe fyer një shofer tjetër, pasi ky i fundit ishte futur me makinën e tij në rrugën në fjalë sipas sinjalistikës rrugore dhe nuk po tërhiqej.

Shoferi i sulmuar është një i ri nga Berati, i njohur për publikun përmes një videoje në rrjetin social “Facebook”.

Agresori, i identifikueshëm vetëm metargën e mjetit që drejtonte, AC 101 DG, përveç dëmtimeve në trup, gjithashtu ka dëmtuar edhe mjetin e të riut beratas.

Pas kryerjes së aktit të dhunshëm, ai është larguar me shpejtësi nga vendi i ngjarjes.