Një ngjarje e rëndë është regjistruar në një kopsht privat në zonën e Astirit, ku një edukatore ka dhunuar fizikisht një fëmijë të mitur.

Pamjet e publikuara tregojnë momentin kur edukatorja e godet me shpulla në fytyrë vogëlushin, duke shkaktuar zemërim të madh në opinionin publik.

Ngjarja është denoncuar nga prindërit e fëmijës, ndërsa menjëherë pas publikimit të videos, 46-vjeçarja është pushuar nga puna.
Policia ka nisur hetimet dhe po punon për kapjen e edukatores R.G., 46 vjeçe, e cila është kallëzuar për keqtrajtim të fëmijës në kopshtin ku punonte.

Dhuna ndaj fëmijëve është e papranueshme! Autoritetet duhet të veprojnë me zero tolerancë ndaj rasteve të tilla.