Lëvizja “Shqipëria Bëhet” dhe “Nisma Thurje” kanë shpallur sot zyrtarisht bashkimin e tyre në një koalicion për zgjedhjet e 11 majit. Ky bashkëpunim do të mbajë emrin “Nisma Shqipëria Bëhet”, ndërsa drejtuesi i saj do të jetë Adriatik Lapaj.
Megjithatë, Lapaj sqaroi se drejtimi i tij do të jetë formal, pasi vendimmarrja do të jetë kolektive dhe do të realizohet nga një këshill i anëtarëve të koalicionit.
Ai shtoi se negociatat për zgjerimin e kësaj aleance vazhdojnë dhe ka pritshmëri që subjekte të tjera politike do t’i bashkohen nismës deri në afatin e fundit zyrtar për regjistrimin e koalicioneve.
Adriatik Lapaj:
“Kemi thënë që s’ka bashkëpunim me asnjë prej subjekteve që kanë përfaqësuar rrënimin e Shqipërisë dhe do bëjmë çdo tentativë për të punuar me subjekte që nuk bartin mëkate të 34 viteve. Jemi në negociata dhe deri në fund të afatit koalicionit do t’i bashkohen edhe subjekte të tjera.”
Ky zhvillim vjen në një moment kyç për politikën shqiptare, duke sjellë një alternativë të re për zgjedhësit që kërkojnë ndryshim dhe një qasje ndryshe nga partitë tradicionale.
Dashi (21 Mars – 19 Prill)
Dita mund të sjellë luhatje emocionale dhe sfida në komunikim. Në marrëdhëniet personale dhe në punë, kujdes me... 
