Vizita e Kryeministrit Edi Rama në Shkollën 9 vjeçare “Naim Frashëri” në Elbasan është shoqëruar me denoncim nga ana e Partisë Demokratike. Kryetari i Partisë Demokratike dega Elbasan zoti Blendi Himçi në një denoncim për mediat shprehet se kjo vizitë ishte e turpshme nga ana e kryeministrit pasi në vend  që të lajmeronte rikonstruksionin e shkollës, mbjell fidanë.

Edhe pse është një nga shkollat më me traditë në Elbasan ajo nuk ka njohur investime ndër vite. Shkolla ka probleme me ngrohjen, mungesën e laboratorëve dhe kushteve të tjera bazike.

“Shkolla Edi Rama është një shkollë elitë, e cila ka prodhuar dijetarë si Aleks Buda, Dhimitër Shuteriqi e shumë emra të tjerë. Sot kjo shkollë lëngon nga mungesa e infrastrukturës, dhe rehabilitimit të saj, i mungon ngrohja, punon me turne. Sot kjo shkollë pavarësisht fasasds që do të shfaq Rama, realiteti është shume ndryshe. Kryetari i bashkisë ti rikthejë identitetin dhe historinë shkollës Naim Frashëri”- u shpreh ai.

Shkolla Naim Frashëri nuk është e vetmja shkollë në bashkinë e Elbasanit, qe ka nevojë për investime.